كلمات و ألحان مصطفى كامل توزيع رفيق عاكف
ليلي يا ليلي يا ليلي يا عيني
يا ليل يا عيني يا ليلي يا ليل
معرفش إيه اللى جرالنا بقينا ناس تانية
غيرتى فينا كل حاجة حلوة يا دنيا
أه غيرتى فينا كل حاجة حلوة يا دنيا
قوليلي الناس بقى مالها
ماتت فيها أمالها
اللى أنا ياما جريت فى وريده
سابني غريق و ممدش إيده
و اللى أنا
قايد شمعة عيده
قادلي جراحي بدالها
قوليلي إزاي
أحبابنا مبقتش تخبط بابنا
محدش بقى
بيحس التاني
كله حاسبها لعبها أنانى
حتى أعز الناس يا زماني
عاشقة و حابة
عذابنا
كل ما سنة
من عمري تعدى الناس بتقيدلي شموع ... شموع
أفضل أمثل
دور الفرحة و قلبي بيبكي دموع ... دموع
قوليلي إيه
اللى جرالنا و إزاي للحال ده وصلنا
القادرين كانوا دايماً يعفوا و الغلبان
بنحس بضعفه
كنا بندي
الخير و نضاعفه ياللى يمد وصالنا
بقى كله
خلاص مش همه بيدوس على ناس من دمه
كله يا
دنيا عايشها براحته و الكداب بنحي صراحته
و اللى
يلاقى معاك مصلحته بتبقى يا عم عمه
كل ما يوم
من عمري يعدى و كل ما يوم بيروح ... بيروح أه
ألاقيك جاي
يا بكرة جايبلي ألالام و هموم و جروح ... أه جروح
أنا حاسس أني ماشيكي زي المتغرب فيكى
شايفك
دنيا أتقلبت غابة
كل ما فيكي وحوش و ديابة
غاوية تعلى
فى ناس كدابة
و بتوطى اللى شاريكى
بقوا كل
الناس الخاينة مبادئهم واضحة و باينة
بيموتوا
اللى أختشوا م العيبة و يعيشوا الخونة اللعيبة
كتر الشر
و غلب الطيبة و تحيا العشرة الهاينة
حتى اللى
صديقي و صاحبي و أعرفه من وقت ما بحبي
كان
مقاسمني فى عيشي و ملحي
كان ملازمني فى ألمي و فرحي
لما زماني
بلاني بجرحي أول واحد طاح بي
بقى سهل
نبيع ضمايرنا و مبنقدرش كبيرنا
محدش بقى
بيهمه العشرة اللى دهب بقى فالصو و قشرة
مهما نقيد
صوابعنا العشرة كله بينكر خيرنا
بقيت كل
اللى بقابله بيشكى و يحكى و يبكى جراح ... جراح ... جراح
كل كلامنا زماننا ألمنا سرق أيامنا و راح
... و راح راح راح
