كلمات و إحساس قمة الروعة
غناء مصطفى كامل
كلمات مصطفى كامل
ألحان مصطفى كامل
توزيع أسامة عبد الهادى
أنا ... أنا ... أنا ... أنا
أنا اللى يا دنيا كل حبايبي ظالمني
أنا اللى يا دنيا كبرتيني فوق سني
أنا اللى تملي جاية عليا ظلماني
أنا القلب اللى عاش غلبان و عاش طيب
في عز جراحي أقول حاضر و أقول طيب
أنا اللى يا دنيا عمري ما كنت شراني
أنا اللى دمعتي أيام
و أنا اللى فرحتي ثانية
تعالى نتحاسب يا دنيا ع اللى عدى و ع اللى راح
تعالى نتحاسب يا دنيا ع القسية و ع الجراح
شفت إيه حلو في حياتي من بدايتي لنهاياتي
شفت إيه غير العذاب
قسوة مش فاكر عددها
فرحة بتموت يوم ميلادها
حزن خلى القلب شاب
ياما تهت فيكى يا دنيتي و مالكيش مراسي
و كتير بحس بغربتي و أنا وسط ناسي
اللى حبيتهم باعوني و اللى عليتهم خانوني
كله داس عشرة زمان
و أنتى باركتيى و وافقتى
ياما كنتى في وقت ضيقتي
مقفلة في وشي البيبان
تعالى نتحاسب يا دنيا ع اللى عدى و ع اللى راح
تعالى نتحاسب يا دنيا ع القسية و ع الجراح
تعالى نتحاسب يا دنيا
أنا عشت عمري حيران في أمري
على ضي قمري سهران وحيد
ملقتش جنبي غير جرح قلبي
حتى حبايبي باعدين بعيد
ورتيني الويل طول النهار و الليل
و شفت فيكى العجب
من أول المشوار بيني و بينك تار
معرفش إيه السبب ؟!
كل ده و صابر و راضي
ببكى على حاضر و ماضى
و قلبي خايف م اللى جاي
سبتى مليون جرح ذكرى
يا ترى رسمالي بكرة
لونه عتمة و لا ضي
عودتي قلبي على الوجع أنتى و زماني
من كتر قلبي ما أتوجع كره الأمانى
عايزة نتحاسب تعالى
شوفي كام ليل م الليالى
كنت سهران ببكى فيه
أمتى حسيتي بوجيعتي
أو ظلمتيني و رجعتي
في أي حكم حكمتى بيه
تعالى نتحاسب يا دنيا ع اللى عدى و ع اللى راح
تعالى نتحاسب يا دنيا ع القسية و ع الجراح
ليست هناك تعليقات:
إرسال تعليق